കേരളം പ്രതീക്ഷയോടെ കാത്തിരുന്ന 20 മണിക്കൂറിനൊടുവില്‍ അബിഗേല്‍ സാറായെ കണ്ടെത്തി. കൊല്ലം ആശ്രാമം ഭാഗത്തു ഉപേക്ഷിച്ച നിലയില്‍ കുട്ടിയെ കണ്ടെത്തുകയായിരുന്നു. പൊലീസ് തിരച്ചില്‍ ഊര്‍ജ്ജിതമാക്കിയതോടെ തട്ടിക്കൊണ്ടു പോയ സംഘം കുട്ടിയ ഉപേക്ഷിച്ച് കടന്നു കളയുകയായിരുന്നു.തിങ്കളാഴ്ച വൈകിട്ട് 4.20നാണ് കൊല്ലം ഓയൂരിന് സമീപം പൂയപ്പള്ളി ഓട്ടുമലയില്‍ നിന്നും ആറ് വയസുകാരി അഭിഗേല്‍ സാറായെ തട്ടികൊണ്ട് പോയത്. സംഭവം നടന്നതു മുതല്‍ പൊലീസ് പരിശോധന ഊര്‍ജ്ജിതമാക്കി. നാട്ടുകാരുടെ സഹായത്തോടെ പൊലീസ് പഴുതടച്ചുള്ള പരിശോധനയാണ് നടത്തിയത്. 20 മണിക്കൂര്‍ നീണ്ട അനിശ്ചിതങ്ങള്‍ക്കൊടുവില്‍ കൊല്ലം ആശ്രാമം ഭാഗത്തു നിന്നും കുട്ടിയ ഉപേക്ഷിച്ച നിലയില്‍ കണ്ടെത്തുകയായിരുന്നു.
ആശ്രാമം മൈതാനത്ത് ഡ്രൈവിംഗ് ടെസ്റ്റ് നടക്കുന്ന ഭാഗത്തായി കുട്ടിയെ എത്തിച്ച സംഘം കാറില്‍ നിന്നും ഇറക്കി നിര്‍ത്തിയ ശേഷം കടന്നു കളയുകയായിരുന്നു. ഒരു സ്ത്രീയാണ് കുട്ടിയെ കാറില്‍ നിന്നും ഇറക്കി വിട്ടതെന്ന് ദൃക്‌സാക്ഷികള്‍ അറിയിച്ചു. നാട്ടുകാര്‍ വിവിരമറിയിച്ചതിനുസരിച്ച് പൊലീസ് എത്തി കുട്ടിയെ ഏറ്റെടുക്കുകയായിരുന്നു. കുട്ടി പൊലീസ് എ ആര്‍ ക്യാമ്പിലെത്തിച്ചു. കുട്ടി അവശനിലായിരുന്നു എന്നും ദക്‌സാക്ഷികള്‍ അറിയിച്ചു. കുട്ടിയ കാണാതായതു മുതല്‍ പഴുതടച്ചുള്ള അന്വേഷണാണ് പൊലീസ് നടത്തിയത്. ഇതോടെ ജില്ലയ്ക്ക് പുറത്തു കടക്കാന്‍ സംഘത്തിനായില്ല. പിടിയിലാകുമെന്ന് ഉറപ്പായതോടെയാണ് കുട്ടിയെ ഉപേക്ഷിച്ച് സംഘം കടന്നു കളഞ്ഞത്. സംഘത്തെ പിടികൂടാന്‍ പൊലീസ് അന്വേഷണം ഊര്‍ജ്ജിതമാക്കിയിട്ടുണ്ട്.
