യുഎഇ അടക്കമുള്ള ജിസിസി രാജ്യങ്ങളിലും വിപുലമായ സ്വാതന്ത്ര്യദിനാഘോഷങ്ങള്‍. ദുബൈ ഇന്ത്യന്‍ കോണ്‍സുലേറ്റില്‍ രാവിലെ എട്ട് മണിക്ക് ആക്ടിംഗ് കോണ്‍സല്‍ ജനറല്‍ രാംകുമാര്‍ തങ്കരാജ് ദേശീയ പതാക ഉയര്‍ത്തി. കോണ്‍സുലേറ്റിലെ ഗാന്ധി പ്രതിമയില്‍പുഷ്പാര്‍ച്ച നടത്തിയതിന് ശേഷമായിരുന്നു ദേശീയ പതാക ഉയര്‍ത്തല്‍. തുടര്‍ന്ന് കോണ്‍സുലേറ്റ് ഹാളില്‍ വിവിധങ്ങളായ കലാപരിപാടികളും. ഷാര്‍ജ ഇന്ത്യന്‍ അസ്സോസിയേഷനില്‍ കോണ്‍സുലേറ്റ് വീസ ആന്റ് കമ്മ്യൂണിറ്റി അഫയേഴ്‌സ് കോണ്‍സല്‍ ഉത്തംചന്ദ് ദേശീയ പതാക ഉയര്‍ത്തി.ഷാര്‍ജ ഇന്ത്യന്‍ അസ്സോസിയേഷന്‍ വൈസ് പ്രസിഡന്റ് മാത്യു ജോണ്‍, ട്രഷറര്‍ ശ്രീനാഥ് കാടഞ്ഞേരി എന്‍ടിവി ചെയര്‍മാന്‍ മാത്തുക്കുട്ടി കടോണ്‍ എന്നിവര്‍ പങ്കെടുത്തു. ഉമല്‍ഖുവൈന്‍ ഇന്ത്യന്‍ അസ്സോസിയേഷനില്‍ വൈസ് കോണ്‍സല്‍ മഞ്ചു അഹുജയും , റാസല്‍ഖൈമ ഇന്ത്യന്‍ റിലീഫ് കമ്മിറ്റിയില്‍ കോണ്‍സല്‍ പാസ്‌പോര്‍ട്ട് സുനില്‍ കുമാറും ദേശീയ പതാക ഉയര്‍ത്തി. ഇന്ത്യന്‍ സോഷ്യല്‍ ക്ലബ് ഫുജൈറയില്‍ വൈസ് കോണ്‍സല്‍ അംരിഷ് കുമാറും പതാക ഉയര്‍ത്തി
ഇന്ത്യന്‍ സ്വാതന്ത്ര്യദിനം ആഘോഷിച്ച് യുഎഇ പ്രവാസികള്‍
