കോട്ടയത്ത് തടയണയില്‍ കുളിക്കാനിറങ്ങിയ യുവാവ് മുങ്ങിമരിച്ചു. പൂഞ്ഞാര്‍ മങ്കുന്നത്ത് ബോസ് ഈപ്പന്റെ മകന്‍ ജെയിംസ് (22) ആണ് മരിച്ചത്. വ്യാഴാഴ്ച വൈകിട്ട് 6.30-ഓടെയാണ് അപകടം.
പൂഞ്ഞാര്‍ പെരുന്നിലത്തുള്ള തടയണയില്‍ രണ്ടു സുഹൃത്തുക്കള്‍ക്കൊപ്പം കുളിക്കാന്‍ ഇറങ്ങിയതാണ് ജെയിംസ്. കുളിക്കുന്നതിനിടെ തടയണയില്‍നിന്ന് പുറത്തേക്ക് വെള്ളം ഒഴുകുന്ന ഭാഗത്ത് ജെയിംസ് കുടുങ്ങിപ്പോയി. ആ ഭാഗത്തേക്ക് വെള്ളം ശക്തമായി ഒഴുകുന്നതുനാൽ ജയിംസ് അവിടെ അകപ്പെട്ടുപോയി. ഏറെ പരിശ്രമിച്ചുവെങ്കിലും ജെയിംസിനെ പുറത്തെടുക്കാനായില്ല.ഈരാറ്റുപേട്ടയില്‍നിന്ന് അഗ്‌നിരക്ഷാസേനയെത്തിയാണ് ജെയിംസിനെ പുറത്തെടുത്തത്. ഈരാറ്റുപേട്ടയിലെ സ്വകാര്യ ആശുപത്രിയിലെത്തിച്ചെങ്കിലും മരിച്ചു. മാതാവ്: മിനി. സഹോദരന്‍ അബു ബോസ്.
