മദ്യലഹരിയിൽ മകൻ കിടപ്പുരോഗിയായ അമ്മയെ കൊലപ്പെടുത്തി. ഇടുക്കി മണിയാറൻകുടി സ്വദേശി തങ്കമ്മയാണ് (81) മരിച്ചത്. സംഭവത്തിൽ മകൻ സജീവിനെ ഇടുക്കി പൊലീസ് അറസ്റ്റ് ചെയ്തു.
ജൂലൈ 30 നാണ് സംഭവം. രാത്രി ഭക്ഷണം നല്കുന്നതിനിടെ കഴിക്കാൻ കൂട്ടാക്കാത്തതിനെ തുടർന്ന് സജീവ് അമ്മയെ ക്രൂരമായി ഉപദ്രവിക്കുകയായിരുന്നു. ചില്ലു ഗ്ലാസ്സുകൊണ്ട് മുഖത്തു അടിച്ചു, കട്ടിലിൽ തല ഇടിപ്പിച്ചു. തുടർന്ന് ഗുരുതരമായി പരുക്കേറ്റ തങ്കമ്മയെ ആശുപത്രിയിൽ പ്രവേശിപ്പിക്കുകയായിരുന്നു. ഇടുക്കി- കോട്ടയം മെഡിക്കൽ കോളേജുകളിലായി ചികിത്സയിൽ ആയിരുന്ന തങ്കമ്മ ഈ മാസം 7 നാണു മരണമടഞ്ഞത്.
പോസ്റ്റുമോർട്ടും റിപ്പോർട്ടിലാണ് ഗ്ലാസ് കൊണ്ട് അടിയേറ്റെന്ന കാര്യം വ്യക്തമാക്കിയിട്ടുള്ളത്. ഇതേത്തുടർന്നുള്ള ചോദ്യം ചെയ്യലിൽ സജീവ് കുറ്റം സമ്മതിക്കുകയായിരുന്നു. മദ്യലഹരിയിലാണ് സജീവ് കൃത്യം ചെയ്തതെന്നാണ് പോലീസ് പറയുന്നത്.
