മുന്നില്‍പോകുന്ന വാഹനവുമായി മതിയായ അകലം പാലിക്കാത്ത ഡ്രൈവര്‍മാര്‍ ഇനി ദുബൈ പൊലീസിന്റെ റഡാറില്‍ കുടങ്ങും.ആര്‍ട്ടിഫിഷ്യല്‍ ഇന്റലിജന്‍സ് സാങ്കേതികവിദ്യയുടെ സഹായത്തോടെ പ്രവര്‍ത്തിക്കുന്ന റഡാറുകള്‍ ആണ് സ്ഥാപിച്ചിരിക്കുന്നതെന്ന് പൊലീസ് അറിയിച്ചു.
മുന്നില്‍പോകുന്ന വാഹനവുമായി സുരക്ഷിതമല്ലാത്ത അകലത്തില്‍ വാഹനം ഓടിക്കുന്ന പ്രവണത വര്‍ദ്ധിച്ച സാഹചര്യത്തില്‍ ആണ് ദുബൈ പൊലീസിന്റെ പുതിയ നീക്കം.ഇത്തരം നിയമലംഘനങ്ങള്‍ ഇനി നിരത്തുകളിലെ ട്രാഫിക് റഡാറുകള്‍ രേഖപ്പെടുത്തും.നാനൂറ് ദിര്‍ഹം പിഴയും നാല് ബ്ലാക്ക് പോയിന്റുമായിരിക്കും പിഴ ശിക്ഷ ലഭിക്കുക എന്നും പൊലീസ് അറിയിച്ചു.സീറ്റ് ബെല്‍റ്റ് ധരിക്കാതിരിക്കലും മൊബൈല്‍ ഫോണിന്റെ ഉപയോഗവും അടക്കമുള്ള നിയമലംഘനങ്ങളും ട്രാഫിക് റഡാറില്‍ പതിയും.
സീറ്റ് ബെല്‍റ്റ് ധരിച്ചില്ലെങ്കില്‍ നാനൂറ് ദിര്‍ഹം പിഴയും നാല് ബ്ലാക് പോയിന്റും ആണ് ശിക്ഷ എന്നും ദുബൈ പൊലീസ് അറിയിച്ചു.
