ദുബൈയില് ഹെലികോപ്ടര് കടലില് തകര്ന്നൂവീണ് രണ്ടുപേരെ കാണാതായി. ഈജിപ്ത്,ദക്ഷിണാഫ്രിക്ക സ്വദേശികളേയാണ് കാണാതായത്. കാണാതായവര്ക്കായി തിരച്ചില് നടക്കുകയാണെന്ന് ജനറല് സിവില് ഏവിയേഷന് അഥോറിട്ടി അറിയിച്ചു
ഇന്നലെ രാത്രി എട്ടരയോട് കൂടിയാണ് എറോഗള്ഫിന്റെ ബെല് 212 ഹെലികോപ്ടര് യുഎഇ തീരത്തിന് സമീപം ഗള്ഫ് കടലില് തകരുന്നു വീണത്. പരിശീലനപറക്കലിനിടെയാണ് അപകടം എന്ന് ജനറല് സിവില് ഏവിയേഷന് അഥോറിട്ടി പ്രസ്താവനയില് അറിയിച്ചു. രാത്രികാല പരിശീലനത്തിനായി ദുബൈ അല്മക്തും വിമാനത്താവളത്തില് നിന്നും തിരിച്ച ഹെലികോപ്ടര് ആണ് തകര്ന്നൂവീണത്. തെരച്ചില് സംഘത്തിന് കടലില് നിന്നും ഹെലികോപ്ടറിന്റെ അവശിഷ്ടങ്ങള് കണ്ടെത്താന് കഴിഞ്ഞെങ്കിലും പൈലറ്റുമാരെ കണ്ടെത്താന് കഴിഞ്ഞിട്ടില്ല. മേഖലയില് തെരച്ചില് തുടരുകയാണ്.
അപകടം സംബന്ധിച്ച് അന്വേഷണം തുടങ്ങിയതായും ജനറല് സിവില് ഏവിയേഷന് അഥോറിട്ടി അറിയിച്ചു. അന്വേഷണസംഘവും അപകടം നടന്ന ഭാഗത്ത് എത്തിയിട്ടുണ്ട്