സൗദി അറേബ്യയില്‍ താമസതൊഴില്‍ നിയമലംഘനങ്ങള്‍ക്ക് ഇരുപതിനായിരത്തിലധികം പേര്‍ അറസ്റ്റില്‍. അറസ്റ്റിലായവരില്‍ പതിമൂവായിരത്തിലധികം പേര്‍ താമസനിയമലംഘകര്‍ ആണ്. താമസനിയമലംഘകര്‍ക്കായി വരും ദിവസങ്ങളിലും ശക്തമായ പരിശോധന നടക്കുമെന്ന് സൗദി
ഓഗസ്റ്റ് ഇരുപത്തിരണ്ടിനും ഇരുപത്തിയെട്ടിനും ഇടയില്‍ രാജ്യത്ത് വിവിധയിടങ്ങളില്‍ നടത്തിയ പരിശോധനകളില്‍ 20718 നിയമലംഘകര്‍ അറസ്റ്റിലായെന്നാണ് സൗദി ആഭ്യന്തരമന്ത്രാലയത്തിന്റെ അറിയിപ്പ്. ഇതില്‍ 13248 പേര്‍ താമസനിയമം ലംഘിച്ച് രാജ്യത്ത് കഴിഞ്ഞിരുന്നവര്‍ ആണ്. തൊഴില്‍ നിയമലംഘനത്തിന് 2782 പേരാണ് അറസ്റ്റിലായത്.
4688 പേര്‍ അതിര്‍ത്തി സുരക്ഷാ നിയമം ലംഘിച്ചതിനും പിടിയിലായിട്ടുണ്ട്. രാജ്യത്തേക്ക് നുഴഞ്ഞുകയറാന്‍ ശ്രമിച്ചതിന് 744 പേരും അറസ്റ്റിലായിട്ടുണ്ട്. യെമന്‍ എത്യോപ്യന്‍ പൗരന്‍മാരാണ് അനധികൃത കുടിയേറ്റക്കാരില്‍ ഭൂരിഭാഗവും.നിയമലംഘകര്‍ക്ക് വാഹനസൗകര്യവും അഭയവും നല്‍കിയ കുറ്റത്തിന് പതിനാറ് പേരും അറസ്റ്റിലായി. 14634 വിദേശികള്‍ സൗദിയില്‍ നിലവില്‍ താമസ-തൊഴില്‍നിയമലംഘനങ്ങള്‍ക്ക് നിയമനടപടികള്‍ നേരിടുന്നുണ്ട്. 5361 നിയമലംഘകരെ മടക്കി അയക്കല്‍ നടപടിക്രമങ്ങളുടെ ഭാഗമായി അതത് രാജ്യങ്ങളുടെ നയതന്ത്രകാര്യാലയങ്ങള്‍ക്ക് കൈമാറി. താമസനിയമലംഘഖര്‍ക്ക് സഹായം നല്‍കുന്നവര്‍ക്ക് പത്ത് ലക്ഷം റിയാല്‍ വരെ പിഴയും പതിനഞ്ച് വര്‍ഷം തടവുശിക്ഷ ലഭിക്കും
