പശ്ചിമ ബംഗാളിൽ പടക്ക ഫാക്റ്ററിയിലുണ്ടായ സ്ഫോടനത്തിൽ ഏഴ് പേർ മരിച്ചു. പരുക്കേറ്റ നിരവധി പേർ ആശുപത്രിയിൽ ചികിത്സയിലാണ്. നോർത്ത് 24 പർഗനാസ് ജില്ലയിലാണ് സംഭവം. അനധികൃതമായി പ്രവർത്തിച്ചിരുന്ന പടക്കശാലയിലാണ് പൊട്ടിത്തെറിയുണ്ടായത്. തീപിടുത്തം ഉണ്ടായതിനെ തുടർന്നാണ് പൊട്ടിത്തെറിയുണ്ടായതെന്നാണ് വിവരം.
രാവിലെ പത്ത് മണിയോടെയാണ് പൊട്ടിത്തെറിയുണ്ടായത്. രക്ഷാപ്രവർത്തനം ഇപ്പോഴും പുരോഗമിക്കുകയാണ്. സ്ഫോടന സമയത്ത് നിരവധി പേർ ഇവിടെ ജോലി ചെയ്യുന്നുണ്ടായിരുന്നു.
ദുട്ടപുകുരിൽ ഒരു വീട് കേന്ദ്രീകരിച്ച് അനധികൃതമായി പ്രവർത്തിച്ച പടക്ക ശാലയിലാണ് അപകടമുണ്ടായത്. ആവശ്യമായ അനുമതിയില്ലാതെ പടക്ക നിർമാണത്തിനുള്ള അംസ്കൃതവസ്തുക്കൾ വൻതോതിൽ ഇവിടെ സൂക്ഷിച്ചിരുന്നു. പൊട്ടിത്തെറിയിൽ വീട് പൂർണമായും തകർന്നു.
