പാലക്കാട് മുട്ടിക്കുളങ്ങരയിൽ ലോറിയും വാനും കൂട്ടിയിടിച്ച് ഒരാൾ മരിച്ചു. കാരാകുറിശ്ശി സ്വദേശി മുബാരിം ആണ് മരിച്ചത്. ഇന്നലെ രാത്രി ആയിരുന്നു അപകടം. കോങ്ങാട് നിന്ന് മുട്ടിക്കുളങ്ങര ഭാഗത്തേക്ക് വരികയായിരുന്നു മുബാരിം. മുട്ടിക്കുളങ്ങര വള്ളിക്കോട് ജംഗ്ഷനിലാണ് അപകടമുണ്ടായത്.
എതിരെ വന്ന ലോറി വാനിനെ ഇടിച്ച് തെറിപ്പിക്കുകയായിരുന്നു. ഗുരുതരമായി പരുക്കേറ്റ മുബാരിമിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അമിത വേഗതയാണ് അപകടകാരണമെന്നാണ് സൂചന.
