ചോദ്യങ്ങളെ ഭയപ്പെട്ടിട്ടല്ല മാധ്യമങ്ങളെ കാണാതിരുന്നതെന്നും അതിന് കാരണമുണ്ടായിരുന്നെന്നും വ്യക്തമാക്കി മുഖ്യമന്ത്രി പിണറായി വിജയൻ. ഏഴ് മാസങ്ങൾക്ക് ശേഷം വാർത്താസമ്മേളനം നടത്തിയ മുഖ്യമന്ത്രി മാസപ്പടി വിവാദത്തിലും പുതുപ്പള്ളി തെരഞ്ഞെടുപ്പ് തോൽവി സംബന്ധിച്ചും പ്രതികരിച്ചു.
സിഎംആർഎലിൽനിന്നു പണം കൈപ്പറ്റിയവരുടെ പട്ടികയിലെ ‘പി.വി.’ എന്ന ചുരുക്കപ്പേര് തന്റേതല്ലെന്നും ഇൗ നാട്ടിൽ എത്രയോ പി.വിമാരുണ്ടെന്നും പിണറായി പറഞ്ഞു. അതു ബിജെപി സർക്കാരിന്റെ ഉദ്യോഗസ്ഥർ എഴുതിച്ചേർ‌ത്തതാണ്. സിഎംആർഎല്ലിൽനിന്നു തെരഞ്ഞെടുപ്പു ഫണ്ട് വാങ്ങിയെന്നു ഞാനോ അവരോ പറഞ്ഞിട്ടില്ലെന്നും പിണറായി വിജയൻ പറഞ്ഞു.
