ഇസ്രയേല്‍-ഹമാസ് യുദ്ധം പശ്ചിമേഷ്യയില്‍ മറ്റിടങ്ങളിലേക്ക് വ്യാപിക്കുമോ എന്ന് ആശങ്ക കൂടുതല്‍ ശക്തമായി. സിറിയയില്‍ രണ്ട് വിമാനത്താവളങ്ങള്‍ക്ക് നേരെയാണ് ഇസ്രയേല്‍ ആക്രമണം ഉണ്ടായത്. അമേരിക്ക മേഖലയിലേക്ക് കൂടുതല്‍ സൈനികരെ അയക്കുന്നതിനുള്ള തയ്യാറെടുപ്പിലാണെന്നും റിപ്പോര്‍ട്ടുകള്‍ ഉണ്ട്.
ഇസ്രയേലില്‍ ഹമാസ് കടന്നുകയറി ആക്രമിച്ചതിന് പിന്നാലെ ആരംഭിച്ച യുദ്ധം രണ്ടാഴ്ച്ച പിന്നിടുമ്പോള്‍ കൂടുതല്‍ മേഖലകളിലേക്ക് വളരുകയാണ്. സിറിയയില്‍ തലസ്ഥാനമായ ദമാസ്‌ക്കസിലും വടക്കന്‍ നഗരമായ അലപ്പോയിലും ആണ് വിമാനത്താവളങ്ങള്‍ക്ക് നേരെ ഇസ്രയേല്‍ ആക്രമണം ഉണ്ടായത്. രാജ്യത്തെ ഏറ്റവും പ്രധാനപ്പെട്ട വിമാനങ്ങളാണ് രണ്ടും. ഇത് ഈ മാസം രണ്ടാം തവണയാണ് ഇസ്രയേലില്‍ നിന്നും സിറിയയിലെ ഈ വിമാനത്താവളങ്ങള്‍ക്ക് നേരെ ആക്രമണം ഉണ്ടാകുന്നത്. ദമാസ്‌ക്കസ് വിമാനത്താവളത്തില്‍ രണ്ട് ജീവനക്കാര്‍ ആക്രമണങ്ങളില്‍ കൊലപ്പെടുകയും ചെയ്തു.ആക്രമണത്തെ തുടര്‍ന്ന് രണ്ട് വിമാനത്താവളങ്ങളുടെയും പ്രവര്‍ത്തനം നിര്‍ത്തിവെച്ചിരിക്കുകയാണ്.
ആക്രമണങ്ങള്‍ മറ്റിടങ്ങളിലേക്കും വ്യാപിക്കുന്നത് പശ്ചിമേഷ്യയില്‍ ആശങ്ക പരത്തിയിട്ടുണ്ട്.ഹമാസിന് നേരെ കരയുദ്ധം ആരംഭിച്ചാല്‍ വലിയ പ്രത്യാഘാതങ്ങള്‍ നേരിടേണ്ടിവരും എന്നാണ് ഇറാനും ഹസ്ബുള്ളയും മുന്നറിയിപ്പ് നല്‍കിയിട്ടുണ്ട്. ഇസ്രയേല്‍ കരയുദ്ധത്തിലേക്ക് കടന്നാല്‍ സ്ഥിതിഗതികള്‍ കൂടുതല്‍ സങ്കീര്‍ണ്ണമായേക്കും. ഇസ്രയേലിനെ പിന്തുണക്കുന്നതിനായി പശ്ചിമേഷ്യയിലേക്ക് കൂടുതല്‍ സൈന്യത്തെ അയക്കാനാണ് ഇസ്രയേല്‍ ഒരുങ്ങുന്നത്. ഇസ്രയേല്‍-ഹമാസ് യുദ്ധം ആരംഭിച്ചതിന് പിന്നാലെ രണ്ട് പടക്കപ്പലുകളും രണ്ടായിരത്തിലധികം സൈനികരേയും അമേരിക്ക മേഖലയിലേക്ക് അയച്ചിരുന്നു
