ലൈംഗിക അതിക്രമ കേസില്‍ നടനും എംഎല്‍എയുമായ എം മുകേഷിന്റെ അറസ്റ്റ് രേഖപ്പെടുത്തി. മൂന്ന് മണിക്കൂറോളം നീണ്ട ചോദ്യം ചെയ്യലിന് ഒടുവില്‍ ആണ് മുകേഷിന്റെ അറസ്റ്റ് പ്രത്യേക അന്വേഷണ സംഘം രേഖപ്പെടുത്തിയത്. ഹൈക്കോടതി മുന്‍കൂര്‍ ജാമ്യം അനുവദിച്ചിട്ടുള്ളതിനാല്‍ അറസ്റ്റ് രേഖപ്പെടുത്തി മുകേഷിനെ വിട്ടയച്ചു.രാവിലെ പത്ത് മണിയോട് കൂടിയാണ് മുകേഷ് കൊച്ചിയില്‍ പ്രത്യേക അന്വേഷണ സംഘത്തിന് മുന്‍പാകെ അഭിഭാഷകന് ഒപ്പം ഹാജരായത്. ചോദ്യം ചെയ്യല്‍ 1.15 വരെ നീണ്ടു. പിന്നീട് ആണ് അറസറ്റ് രേഖപ്പെടുത്തിയത്. തുടര്‍ന്ന് വൈദ്യപരിശോധന അടക്കമുള്ള നടപടിക്രമങ്ങള്‍ പൂര്‍ത്തിയാക്കി മുകേഷിനെ വിട്ടയച്ചു.
അഡീഷണല്‍ സെഷന്‍സ് കോടതി മുന്‍കൂര്‍ ജാമ്യം അനുവദിച്ചിരുന്നതിനാല്‍ ആണ് അറസ്റ്റ് ചെയ്ത ശേഷം മുകേഷിനെ ജാമ്യത്തില്‍ വിട്ടത്.
