സംസ്ഥാനത്ത് മഴ തുടരുന്നു. ഒരു ജില്ലയിൽ മാത്രമാണ് യെല്ലോ അലേർട്ട്. തിരുവനന്തപുരം ജില്ലയിൽ മാത്രമാണ് യെല്ലോ അലേർട്ട്. നേരത്തെ നാല് ജില്ലകളിൽ യെല്ലോ അലേർട്ട് പ്രഖ്യാപിച്ചിരുന്നു. ആലപ്പുഴ, കൊല്ലം, പത്തനംതിട്ട കോട്ടയം, ഇടുക്കി, എറണാകുളം ജില്ലകളിൽ നേരിയതോ മിതമായതോ ആയ മഴയ്ക്ക് സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു.
വിവിധ ജില്ലകളിൽ ചൊവ്വാഴ്ചവരെ മഴ തുടരുമെന്നാണ് മുന്നറിയിപ്പ്. സംസ്ഥാനത്തെ വിവിധ ഭാഗങ്ങൾ ഇടവിട്ട തോതിൽ മഴ തുടരുകയാണ്. പല ജില്ലകളിലും വെള്ളിയാഴ്ച രാത്രി ശക്തമായ മഴ ലഭിച്ചു. പത്തനംതിട്ട ജില്ലയിലെ കിഴക്കൻ മലയോരമേഖലയിൽ കനത്തമഴ. ജലനിരപ്പ് ഉയർന്നതിനെത്തുടർന്ന് മണിയാർ, മൂഴിയാർ ഡാമുകൾ തുറന്നു. വനത്തിനുള്ളിൽ ഉരുൾപ്പൊട്ടലുണ്ടായി എന്നാണ് സൂചന. ഇതേത്തുടർന്ന് അധികജലം ഒഴുകിയെത്തിയതോടെയാണ് ഡാം തുറന്നത്.
