സ്വിഫ്റ്റ് ബസ്സിന്റെ ചില്ല് യാത്രക്കാരൻ കല്ലെറിഞ്ഞ് തകർത്തു. പാലക്കാട് കൂട്ടുപാതയിൽ വച്ചാണ് സംഭവം. തമിഴ്നാട് സ്വദേശി വിജയകുമാറാണ് ബസ്സിന്റെ ചില്ല് കല്ലെറിഞ്ഞ് തകർത്തത്. വയനാട്-പഴനി റൂട്ടിലോടുന്ന സ്വിഫ്റ്റ് ബസ്സിൻ്റെ ചില്ലാണ് തകർന്നത്.
ബസ്സിനകത്ത് വെച്ച് ബഹളമുണ്ടാക്കിയ വിജയകുമാർ പുറത്തിറങ്ങിയ ശേഷം ബസിന് നേരെ കല്ലെറിയുകയായിരുന്നു. മദ്യ ലഹരിയിലായിരുന്നു ഇയാളുടെ പരാക്രമം. ബസിൽ ബഹളം ഉണ്ടാക്കിയതിനേ തുടർന്ന് ഇയാളെ ഇറക്കി വിട്ടു. പുറത്തിറങ്ങിയ ഇയാൾ റോഡിൽ നിന്ന് കല്ലെടുത്ത് ബസിനു നേരെ എറിയുകയായിരുന്നു. ആർക്കും പരുക്കില്ല. തുടർന്ന് ഹൈവേ പൊലീസ് ഇയാളെ കസ്റ്റഡിയിലെടുത്തു. പൊതുമുതൽ നശിപ്പിച്ചത് ഉൾപ്പടെ ഉള്ള വകുപ്പുകൾ ചുമത്തിയാണ് കേസ് എടുത്തിരിക്കുന്നത്.
