അബുദബി: യുഎഇയില് നിയമ ലംഘനം നടത്തിയ രണ്ട് സ്ഥാപനങ്ങളുടെ ലൈസന്സ് റദ്ദാക്കി. ഗാര്ഹിക തൊഴിലാളികളെ റിക്രൂട്ട് ചെയ്യുന്ന ഏജന്സികളുടെ ലൈസന്സാണ് റദ്ദാക്കിയത്. യുഎഇ മാനവവിഭശേഷി മന്ത്രാലയത്തിന്റേതാണ് നടപടി. യുഎഇയില് ഗാര്ഹിക തൊഴിലാളികളെ റിക്രൂട്ട് നടത്തുന്ന സ്ഥാപനത്തിനെതിരെയാണ് മാനവവിഭശേഷി സ്വദേശിവത്കരണ മന്ത്രാലയത്തിന്റെ നടപടി. ദുബൈയിലെ ഷമ്മ അല് മഹൈരി ഡൊമസ്റ്റിക് വര്ക്കേഴ്സ് സര്വ്വീസ് സെന്ററും, അജ്മാനിലെ അല് ബാര്ഖ് ഡൊമസ്റ്റിക് വര്ക്കേഴ്സ് സര്വ്വീസ് സെന്റര് എല് എല് സിയുമാണ് രണ്ട് ഏജന്സികള്.
യുഎഇയിലെ ഗാര്ഹിക തൊഴിലാളികളെ നിയമിക്കുന്നതില് ഏര്പ്പെടുത്തിയിരിക്കുന്ന നിയമങ്ങള് ലംഘിച്ചതിനാണ് സ്ഥാപനങ്ങളുടെ ലൈസന്സ് റദ്ദാക്കിയത്. തൊഴിലാളികളുടെ അവസ്ഥ പരിഹരിക്കാന് തൊഴില് ഉടമയ്ക്ക് നിര്ദ്ദേശം നല്കി. ലൈസന്സ് റദ്ദാക്കുന്നതിനൊപ്പം നിമയം ലംഘിച്ചതിനുള്ള പിഴയും അടക്കണം. തൊഴിലാളികളുടെ ക്ഷേമം ഉറപ്പു വരുത്തുന്നതിന്റെ ഭാഗമായാണ് നടപടികള് ശക്തമാക്കിയിരിക്കുന്നത്. തൊഴില് നിയമ ലംഘനം നടത്തുന്ന സ്ഥാപനങ്ങള്ക്കെതിരെ യുഎഇ മാനവവിഭവ ശേഷി മന്ത്രാലയം നിയമ നടപടികള് സ്വീകരിക്കുന്നതിന്റെ ഭാഗമായാണ് സ്ഥാപനങ്ങളുടെ ലൈസന്സ് റദ്ദാക്കിയത്.