ദുബൈ:സുപ്രധാന മേഖലകളില് പുതിയ പദ്ധതികള്ക്ക് രൂപം നല്കി ദുബൈ കിരീടാവകാശി ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തും. ദുബൈ ഭരണാധികാരി ആരംഭിച്ച ദുബൈ ടെന് എക്സിന്റെ ഭാഗമായാണ് പുതിയ പദ്ധതികള് നടപ്പിലാക്കുന്നത്. എമിറേറ്റിന്റെ സുസ്ഥിര വികസനത്തിന് ആവശ്യമായ തിരഞ്ഞെടുക്കപ്പെട്ട പദ്ധതിളാണ് നടപ്പിലാക്കുക. മറ്റ് ആഗോള നഗരങ്ങളില് നിന്നും പത്ത് വര്ഷം മുന്നോട്ടുള്ള വികസ പദ്ധതികള് നടപ്പിലാക്കുന്നതിനാണ് യുഎഇ വൈസ് പ്രസിഡന്റും പ്രധാനമന്ത്രിയും ദുബൈ ഭരണാധികാരിയുമായ ഷെയ്ഖ് മുഹമ്മദ് ബിന് റാഷിദ് അല് മക്തും ദുബൈ ടെന് എക്സ് നടപ്പിലാക്കിയത്. 2017 ലായിരുന്നു ദുബൈ ഫ്യൂച്ചര് ഫൗണ്ടേഷന്റെ ഭാഗമായി ദുബൈ ടെന് എക്സ് ആരംഭിച്ചത്. സംരഭത്തിന്റെ തുടര്ച്ചയായി എമിറേറ്റിന്റെ സുസ്ഥിര വികസനത്തിനായുള്ള പദ്ധതികള് പുരോഗമിക്കുകയാണ്. ദുബൈ ടെന് എക്സിന്റെ മൂന്നാം ഭാഗമായുള്ള പദ്ധതികളാണ് ആരംഭിക്കുന്നത്. ഗതാഗതം, വ്യോമയാനം, ബഹിരാകാശം, ഊര്ജം, സുസ്ഥിരത, അടിസ്ഥാന സൗകര്യങ്ങള്, വ്യാപാരം, ധനകാര്യം, ആരോഗ്യം, സുരക്ഷ, സിവില് ഡിഫന്സ്, കമ്മ്യൂണിറ്റി സേവനങ്ങള് എന്നീ പ്രധാന മേഖലകളിലായി സുപ്രധാന പദ്ധതികള്ക്ക് ദുബൈ കിരീടാവകാശി ഷെയ്ഖ് ഹംദാന് ബിന് മുഹമ്മദ് ബിന് റാഷിദ് അല് മക്തൂം അംഗീകാരം നല്കി.
33 വ്യത്യസ്ത സര്ക്കാര് സ്ഥാപനങ്ങളില് നിന്നുമുള്ള 120 ല് അധികം ജീവനക്കാര് സംയുക്തമായി 79 പ്രൊജക്ടുകളാണ് വികസിപ്പിച്ചടുത്തത്. ഇതില് നിന്നും തിരഞ്ഞെടുത്തവയാണ് നടപ്പിലാക്കുന്നത്. എമിറേറ്റിന്റെ സുസ്ഥിര വികസനമാണ് ദുബൈ ഫ്യൂച്ചര് ഫൗണ്ടേഷന് സാധ്യമാക്കുന്നതും. ഒരോ മേഖലയിലും നടപ്പിലാക്കേണ്ട പ്രവര്ത്തനങ്ങളുടെ രൂപ രേഖയും തയ്യാറായി കഴിഞ്ഞു. പദ്ധതികളുടെ പ്രവര്ത്തനങ്ങള്ക്ക് വേഗത കൈവരിക്കണമെന്ന് ഷെയ്ഖ് ഹംദാന് ഉദ്യോഗസ്ഥര്ക്ക് നിര്ദ്ദേശം നല്കി. താമസക്കാര്ക്കും സന്ദര്ശകര്ക്കും മികച്ച ജീവിത സാഹചര്യങ്ങള് ഉയര്ത്തുന്നതിനും കൂടുതല് സന്ദര്ശകരെ എമിറേറ്റിലേക്ക് എത്തിക്കുന്നതിനും ഉതകുന്നതാകും പദ്ധതികള് എന്നാണ് വിലയിരുത്തല്. മികച്ച ജീവിത നിലവാരം, യാത്ര സൗകര്യങ്ങള്, തൊഴില്, ആരോഗ്യം, സുരക്ഷ തുടങ്ങിയവയിലെല്ലാം ദുബൈ സമഗ്രമായ പുരോഗതിയാണ് കൈവരിച്ചിരിക്കുന്നത്.