സൗദി അറേബ്യയില് സ്വകാര്യ ആശുപത്രികള്ക്ക് കര്ശന നിര്ദേശവുമായി ആരോഗ്യ മന്ത്രാലയം. ആദ്യ പരിശോധനയ്ക്ക് ശേഷം 14 ദിവസത്തിനുള്ളില് എത്തുന്ന രോഗികളില് നിന്ന് ഫീസ് ഈടാക്കരുതെന്ന് മന്ത്രാലയം മുന്നറിയിപ്പ് നല്കി.സ്വകാര്യ ക്ലിനിക്കുകളും ആശുപത്രികളും കണ്സള്ട്ടിങ് ഫീസ് ഈടാക്കുന്നതിലാണ് നിലവില് ആരോഗ്യ മന്ത്രാലയം നിയന്ത്രണം കൊണ്ടുവന്നിരിക്കുന്നത്. ആദ്യ പരിശോധനയ്ക്ക് ശേഷം 14 ദിവസത്തിനകം എത്തുന്ന രോഗികളില് നിന്ന് ഫീസ് ഈടാക്കരുതെന്നാണ് മന്ത്രാലയം നിര്ദേശം നല്കിയത്.
രണ്ടാഴ്ച രോഗികള്ക്ക് ഡോക്ടര്മാരെ കാണാനുള്ള അവസരം സൗജന്യമായി നല്കണമെന്നാണ് അറിയിപ്പ്. ആദ്യം കണ്സള്ട്ടിഫ് ഫീസ് നല്കിയവര്ക്ക് ഇതിനുള്ള അവകാശമുണ്ടെന്നും പരാതി ലഭിച്ചാല് നടപടി സ്വീകരിക്കുമെന്നും ആരോഗ്യ മന്ത്രാലയം മുന്നറിയിപ്പ് നല്കി. ഡോക്ടര്മാരുടെ കണ്സള്ട്ടിങ് ഫീസ് സംബന്ധിച്ച് പുറത്തിക്കിയ നിര്ദേശങ്ങളും മാനദണ്ഡങ്ങളും സ്വകാര്യ ആശുപത്രികള് പാലിക്കണമെന്നും മന്ത്രാലയം അറിയിച്ചു. പൊതുജനങ്ങള്ക്ക് പരാതികള് അറിയിക്കാനുള്ള സംവിധാനം നിലവിലുണ്ട്. വെബ്സൈറ്റ് വഴിയും ടോണ് ഫ്രീ നമ്പര് വഴിയും മന്ത്രാലയത്തിന്റെ ആപ്ലിക്കേഷന് മുഖേനയും താമസക്കാര്ക്ക് പരാതികള് അറിയിക്കാമെന്നും മന്ത്രാലയം ഓര്മ്മിച്ചു