ദുബൈയില് രണ്ട് പുതിയ ടോള് ഗെയ്റ്റുകള് കൂടി വരുന്നു. ഈ വര്ഷം നവംബറില് ആയിരിക്കും പുതിയ ടോള് ഗെയ്റ്റുകള് പ്രവര്ത്തിച്ച് തുടങ്ങുക.
ഗതാഗത നിയന്ത്രണത്തിന്റെ ഭാഗമായിട്ടാണ് പുതിയ ടോള് ഗെയ്റ്റുകള് എന്ന് സാലിക്ക് കമ്പനി അറിയിച്ചു.ദുബൈയില് അല്ഖൈല് റോഡിലും ഷെയ്ഖ് സായിദ് റോഡിലും ആണ് പുതിയ ടോള് ഗെയ്റ്റുകള് സ്ഥാപിക്കുന്നത്. അല്ഖൈല് റോഡില് ബിസിനസ്സ് ബേ ക്രോസിംഗില് ആണ് പുതിയ ടോള് ഗെയ്റ്റ് വരിക. ഷെയ്ഖ് സായിദ് റോഡില് അല്സഫ സൗത്തില് മെയ്ദാന് സ്ട്രീറ്റിനും അല് ഷെയ്ഫ് സ്ട്രീറ്റിനും ഇടയിലായിട്ടാണ് ടോള് ഗെയ്റ്റുകള് വരിക.
അല്സഫ സൗത്തിലും നോര്ത്തിലും ഉള്ള ടോള് ഗെയ്റ്റുകള് കടന്നുപോകുന്നത് ഒരു മണിക്കൂറിനുള്ളില് ആണെങ്കില് ഒറ്റത്തവണ മാത്രമായിരിക്കും നിരക്ക് ഈടാക്കുക. ഈ വര്ഷം നവംബറില് രണ്ട് സാലിക്ക് ഗെയ്റ്റുകളും പൂര്ണതോതില് പ്രവര്ത്തനം ആരംഭിക്കും എന്ന് ആര്ടിഎ അറിയിച്ചു. നഗരത്തിലെ ഗതാഗത നിയന്ത്രണത്തിന്റെ ഭാഗമായിട്ടാണ് പുതിയ ടോള് ഗേയ്റ്റുകള്. ഷെയ്ഖ് സായിദ് റോഡിലേയും അല്ഖൈല് റോഡിലേയും വാഹനങ്ങള് മറ്റ് റോഡുകളിലേക്ക് കൂടി തിരിച്ച് വിടുന്നതിനാണ് ടോള് ഗെയ്റ്റുകള് സ്ഥാപിക്കുന്നതെന്നും ആര്ടിഎ അറിയിച്ചു.
ഷെയ്ഖ് മുഹമ്മദ് ബിന് സായിദ് റോഡ്, ദുബൈ-അലൈന് റോഡ്, റാസ് അല്ഖോര് റോഡ് അല് മനാമ സ്ട്രീറ്റ് എന്നിവ ഉപയോഗിക്കാന് ഡ്രൈവര്മാരെ പ്രേരിപ്പിക്കുന്നതിനാണ് ടോള് ഗെയ്റ്റുകള് സ്ഥാപിക്കുന്നതെന്നും ആര്ടിഎ വ്യക്തമാക്കി. ക്രിക്ക് മുറിച്ച് കടക്കുന്നതിന് ഇന്ഫിനിറ്റി ബ്രിഡ്ജും ഷിന്ദഗ ടണലും ഉപയോഗിക്കാന് വാഹനയാത്രാകരെ പ്രേരിപ്പിക്കുകയും ലക്ഷ്യമാണ്.