മോഷ്ടിച്ച സ്വര്ണം വിദേശത്തേക്ക് കടത്താനുള്ള ശ്രമം പരാജയപ്പെടുത്തി ഷാര്ജ പൊലീസ് . ഖോര്ഫക്കാനിലെ ജ്വല്ലറിയില് നിന്നും മോഷ്ടിച്ച സ്വര്ണമാണ് രാജ്യത്തു നിന്നും കടത്താന് ശ്രമം നടത്തിയത്. 8 ലക്ഷം ദിര്ഹം വിലമതിക്കുന്ന സ്വര്ണമാണ് പിടികൂടിയത്.
ക്രിമിനല് ഇന്വെസ്റ്റിഗേഷന്സ് ഡിപ്പാര്ട്ട്മെന്റ്, പോലീസ് ഡിപ്പാര്ട്ട്മെന്റ് എന്നിവരുടെ നേതൃത്വത്തിലാണ് സ്വര്ണവുമായി മോഷ്ടാക്കളെ പിടികൂടിയത്.
ഖോര്ഫക്കാനിലെ ജ്വല്ലറിയില് നിന്നുമാണ് പ്രതികള് സ്വര്ണം മോഷ്ടിച്ചത്. വിവരം ലഭിച്ചയുടന് പൊലീസ് പ്രതികളെ തിരിച്ചറിഞ്ഞ് അന്വേഷണം ഊര്ജിതമാക്കിയിരുന്നു. സ്വര്ണവുമായി വിദേശത്തേയ്ക്ക് കടക്കാന് ശ്രമിക്കുന്നതിനിടെയിലാണ് പ്രതികളെ പൊലീസ് പിടികൂടിയത്. 8 ലക്ഷം ദിര്ഹം വിലമതിക്കുന്ന സ്വര്ണമാണ് പിടിച്ചെടുത്തത്. പൊലീസിന്റെ നേതൃത്വത്തില് നടത്തിയ വ്യാപകമായ തിരച്ചിലിലാണ് പ്രതികള് പിടിയിലായത്.
പ്രതികള്ക്കെതിരെ നിയമനടപടികള് സ്വീകരിക്കാന് പബ്ലിക് പ്രോസിക്യൂഷന് റഫര് ചെയ്തതായും ഷാര്ജ പൊലീസ് അറിയിച്ചു.