മതിയായ യോഗ്യതയില്ലാത്ത പൈലറ്റുമാരെ ഉപയോഗിച്ച് വിമാനസര്വീസ് നടത്തിയതിന് എയര്ഇന്ത്യയ്ക്ക് 90 ലക്ഷം രൂപ പിഴ. ഇന്ത്യന് സിവില് വ്യോമയാന ഡയറക്ടറേറ്റ് ആണ് പിഴ ചുമത്തിയത്. എയര്ഇന്ത്യയിലെ ഉന്നത ഉദ്യോഗസ്ഥര്ക്കും ഡിജിസിഎ പിഴ ചുമത്തി.
ജുലൈയ് ഒന്പതിന് മുംബൈ റിയാദ് വിമാനം മതിയായ യോഗ്യത ഇല്ലാത്ത
പൈലറ്റുമാരെ ഉപയോഗിച്ച് സര്വീസ് നടത്തിയതിന് ആണ് എയര്ഇന്ത്യക്ക് ഡിജിസിഎ പിഴ ചുമത്തിയത്. പരിശീലന യോഗ്യതയില്ലാത്ത പൈലറ്റിന് ഒപ്പം ട്രെയ്നി പൈലറ്റ് വിമാനം പറത്തിയതിനാണ് പിഴ.ഇത് ഗുരുതരമായ സുരക്ഷാ വീഴ്ച്ചയാണെന്ന് എയര്ഇന്ത്യ ചൂണ്ടിക്കാട്ടി.
ചട്ടപ്രകാരം ട്രെയ്നി പൈലറ്റിന് ഒപ്പം ഒരു ട്രെയ്നിംഗ് ക്യാപ്റ്റന് നിര്ബന്ധമാണ്.എയര്ഇന്ത്യ തന്നെ സമര്പ്പിച്ച റിപ്പോര്ട്ടിന്റെ അടിസ്ഥാനത്തിലാണ് ഡയറക്ടര് ജനറല് ഓഫ് സിവില് ഏവിയേഷന് ഇത് സംബന്ധിച്ച് അന്വേഷണം നടത്തിയത്. അന്വേഷണത്തില് വിമാനജീവനക്കാരുടെ കാര്യത്തില് അടക്കം വേറെയും നിയമലംഘനങ്ങള് കണ്ടെത്തി. ഇവയും സുരക്ഷെ ബാധിക്കുന്നതാണ്. ഇതെ തുടര്ന്ന് ജുലൈയ് 22-ന് എയര്ഇന്ത്യയ്ക്ക് കാരണം കാണിക്കല് നോട്ടീസ് നല്കി.
എന്നാല് എയര്ഇന്ത്യയ്ക്ക് ഇക്കാര്യങ്ങളില് തൃപ്തികരമായ മറുപടി നല്കാന് കഴിഞ്ഞില്ല.ഇതെ തുടര്ന്നാണ് 90 ലക്ഷം രൂപ പിഴ ചുമത്തിയത്. ഇത് കൂടാതെ എയര്ഇന്ത്യയുടെ ഓപ്പറേഷന്സ് ഡയറക്ടര്ക്ക് ആറ് ലക്ഷം രൂപയും ട്രെയ്നിംഗ് ഡയറക്ടര്ക്ക് മൂന്ന് ലക്ഷം രൂപയും പിഴ ചുമത്തി.