പാരിസ്∙ അനുവാദമില്ലാതെ സൗദി അറേബ്യ സന്ദർശിച്ചതിന് ഫുട്ബോൾ താരം ലയണൽ മെസ്സിയെ സസ്പെൻഡ് ചെയ്ത് പിഎസ്ജി ഫുട്ബോൾ ക്ലബ്. രണ്ടാഴ്ചത്തേക്കാണ് മെസ്സിയെ സസ്പെൻഡ് ചെയ്തിരിക്കുന്നത്. സസ്പെൻഷൻ കാലയളവിൽ ക്ലബ്ബിനു വേണ്ടി മെസിക്ക് കളിക്കാനോ പരിശീലിക്കാനോ സാധിക്കില്ല.
സൗദി ടൂറിസം അംബാസഡർ എന്ന നിലയിലാണ് രാജ്യ സന്ദർശനത്തിനായി മെസ്സിയും കുടുംബവും സൗദിയിലെത്തിയത്. 2022 മേയിലാണ് സൗദി ടൂറിസം അതോറിറ്റി (എസ്ടിഎ) മെസ്സിയെ ഔദ്യോഗിക ടൂറിസം ബ്രാൻഡ് അംബാസഡറായി പ്രഖ്യാപിച്ചത്. സൗദി യാത്രയ്ക്കായി മെസ്സി ക്ലബിനോട് അനുമതി തേടിയിരുന്നെന്നും എന്നാൽ ക്ലബ് അത് നിരസിച്ചെന്നുമാണ് വിവരം.
